తెలంగాణా ముఖ్యమంత్రి కేసీఆర్‌ చిన్నప్పుడు భాషా పరమైన ఇబ్బందులు ఎదుర్కున్నట్లు దానికి సంబంధించిన సంఘటనను ప్రపంచ తెలుగు మహాసభల్లో చెప్పుకొచ్చారు. ఓ చిత్రంలో శోభన్ బాబు పూత రేకుల లేత సొగసు అంటూ పాడతాడు. అది చూసిన నేను పూత రేకులు అంటే ఏమిటో తెలుసుకోవాలని థియేటర్ బయట పాటల పుస్తకాలు అమ్ముతుంటే పుస్తకాన్ని కొని అర్థాన్ని వెతికాను. తియ్యదనం అని అందులో ఉంది. మరుసటి రోజూ స్కూల్‌కి వెళ్లినప్పుడు మాష్టారిని కూడా అడిగాను. ఆయన కూడా మరో అర్థం చెబుతూ, ఆ పదానికి అర్థం విజయవాడలోని ముదిగొండ వీరభద్రయ్యగారిని అడిగి చెబుతానని వారికి ఉత్తరం రాశారు. దానికి ఆయన కూడా తియ్యదనం అని ప్రత్యుత్తరం రాసి పంపించారు. తెలుగు భాష వికసించాలంటే ఒక భాషా పండితుడు మరో భాషా పండితుడిని, ఒక కవి మరో కవిని తయారు చేయాలి అని కేసీఆర్ వ్యాఖ్యానించారు.