ఫ్రాన్స్‌ రాజధాని పారిస్‌లో ఇస్లామిక్‌ స్టేట్‌ (ఐఎస్‌)ఉగ్రవాదులు సృష్టించిన మారణకాండ మరువక ముందే మరో ముప్పు ఎదురైంది. రెండు ఎయిర్‌ ఫ్రాన్స్‌ విమానాలకు బాంబు బెదిరింపు వచ్చింది. దీంతో మంగళవారం ఎయిర్‌ ఫ్రాన్స్‌ విమానం-65 అమెరికాలోని లాస్‌ఏంజిల్స్‌ నుంచి పారిస్‌ వెళ్లాల్సి ఉండగా.. విమానానికి బాంబు బెదిరింపు కాల్‌ వచ్చినట్లు అధికారులు చెప్పారు. తనిఖీలు నిర్వహించిన అనంతరం సాల్ట్‌లేక్‌ సిటీ మీదుగా విమానాన్ని దారి మళ్లించారు. మరో విమానం వాషింగ్టన్‌ నుంచి పారిస్‌ వెళ్లాల్సి ఉండగా.. దాన్ని నోవా స్కోటియా మీదుగా మళ్లించారు. రెండు విమానాలు సురక్షితంగా ఫ్రాన్స్‌ చేరుకున్నాయని అధికారులు వెల్లడించారు.