రోడ్స్‌ అండ్‌ ట్రాన్స్‌పోర్ట్‌ అథారిటీ - ఆర్‌టిఎ, ప్రస్తుతం ఉన్న కార్డుల స్థానంలో కొత్తగా లైఫ్‌టైమ్‌ ఎలక్ట్రానిక్‌ వెహికిల్‌ రిజిస్ట్రేషన్‌ కార్డ్స్‌ని జారీ చేయడానికి రంగం సిద్ధం చేసింది. 2018 జనవరి నుంచి ప్రారంభించి, 2018 సెప్టెంబర్‌ నాటికి ఈ ప్రక్రియను పూర్తి చేయనున్నారు. ఎలక్ట్రానిక్‌ ట్రాన్స్‌ఫార్మేషన్‌ డ్రైవల్‌లో భాగంగా ఈ కొత్త విధానాన్ని తెరపైకి తెచ్చారు. ముందు ముందు ఈ విధానాన్ని అన్ని సర్వీసులకూ అమలు చేస్తారు. స్మార్ట్‌ సిటీస్‌ ఇనీషియేటివ్స్‌లో ఇది అత్యంత కీలకమైన ముందడుగు. ప్రజల్లో సంతోషం కోసం చేపడుతున్న వ్యూహాత్మక చర్యగా దీన్ని అభివర్నిస్తున్నారు. ఆర్‌టిఎ లైసెన్సింగ్‌ ఏజెన్సీ సీఈఓ అబ్దుల్లా యూసెఫ్‌ అల్‌ అలి మాట్లాడుతూ, వినియోగదారుల సమయాన్ని ఈ కార్డులు ఎంతగానో తగ్గిస్తాయని చెప్పారు. ఈ సర్వీసుని ఆర్‌టిఎ - దుబాయ్‌ లేదా దుబాయ్‌ డ్రైవ్‌ యాప్స్‌ ద్వారా పొదడానికి వీలుంది. ప్రాథమిక దశలో గవర్నమెంట్‌ ఆర్గనైజేషన్స్‌, కార్‌ రెంటల్స్‌ ఆఫీసులు, మరియు ట్యాక్సీలకు ఈ సర్వీసు అందిస్తారు. ఆ తర్వాత రెండో స్టేజ్‌లో ప్రైవేట్‌ కంపెనీలకు, మూడో స్టేజ్‌లో ఇండివిడ్యువల్స్‌కి ఈ సేవలు అందుబాటులోకి వస్తాయి.