కావలసినవి:

ఇడ్లీలు: నాలుగు(చదరపు ముక్కలుగా కోయాలి), ఆవాలు: అరటీస్పూను, కరివేపాకు: 2 రెబ్బలు, ఉల్లి ముక్కలు: అరకప్పు, టొమాటో ముక్కలు:అరకప్పు మిరియాలపొడి: పావుటీస్పూను, ఉప్పు: టీస్పూను, కారం: అరటీస్పూను, పసుపు: చిటికెడు, పెరుగు: 2 టేబుల్‌స్పూన్లు, నూనె: సరిపడా

తయారుచేసే విధానం:

ఇడ్లీలను ముక్కలుగా కోయాలి.ఓ గిన్నెలో కారం, పసుపు, ఉప్పు, మిరియాలపొడి, పెరుగు వేసి కలపాలి. ఇప్పుడు ఈ మిశ్రమంలో ఇడ్లీ ముక్కల్ని వేసి వాటికి పట్టేలా కలపాలి.బాణలిలో కొద్దిగా నూనె వేసి మిశ్రమం పట్టించిన ఇడ్లీ ముక్కలు వేసి వేయించి తీయాలి.మరో బాణలిలో ఆవాలు, కరివేపాకు వేసి అవి చిటపటమన్నాక ఉల్లిముక్కలు వేసి వేయించాలి. వేగాక టొమాటో ముక్కలు కూడా వేసి వేయించాలి. ఇప్పుడు ఈ మిశ్రమాన్ని వేయించి తీసిన ఇడ్లీ ముక్కల్లో వేసి కలిపి వేడివేడిగా వడ్డిస్తే ఇడ్లీ ఫ్రై రెడీ.