మస్కట్‌: ఓ స్కూల్‌ బస్సు అగ్ని ప్రమాదానికి గురయ్యింది. అల్‌ ముదైబి ప్రాంతంలోని అల్‌ మనారా స్కూల్‌కి చెందిన బస్సు అగ్ని ప్రమాదానికి గురైనట్లు పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ అధికారికంగా వెల్లడించింది. బస్సు అగ్ని ప్రమాదానికి గురైన సంఘటన గురించి తెలియగానే వెంటనే సంఘటనా స్థలానికి చేరుకుని, ఫైర్‌ ఫైటర్స్‌ టీమ్‌ చాకచక్యంగా ఆ మంటల్ని అదుపు చేసినట్లు పిఎసిడిఎ ఓ ప్రకటనలో స్పష్టం చేసింది. ఈ ఘటనలో ఎవరికీ ఎలాంటి గాయాలు కాలేదు. అగ్ని ప్రమాదానికి గల కారణాల్ని అన్వేషిస్తున్నారు.