తెలంగాణ ప్రీమియర్ లీగ్ రెండో సీజన్‌కు కౌంట్‌డౌన్ మొదలైంది. జనవరి 25 నుంచి TPL సందడి మొదలుకానుంది. ఎల్బీ స్టేడియంలో జరగనున్న టోర్నీలో 12 జట్లు పోటీ పడనున్నాయి. భారత జట్టు మాజీ కెప్టెన్ అజారుద్దీన్ బ్రాండ్ అంబాసిడర్‌గా వ్యవహరిస్తున్నారు. గ్రామీణ ప్రాంతాలకు చెందిన యువ క్రికెటర్లను ప్రోత్సహించేందుకే TPL ప్రారంభించామని లీగ్ ఛైర్మన్ మన్నె గోవర్థన్‌రెడ్డి చెప్పారు. తొలి సీజన్‌లో పలువురు యువ క్రికెటర్ల ప్రతిభను గుర్తించామని, ఈ సీజన్‌లోనూ ఎంతో టాలెంట్‌ వెలుగులోకి వస్తుందన్నారు. హైదరాబాద్‌ రంజీ జట్టుతో పాటు భారత జాతీయ జట్టుకు తెలంగాణ నుంచి ఆటగాళ్ళకు అవకాశం కల్పించడమే టిపిఎల్ లక్ష్యమని చెప్పారు.