దుబాయ్‌:ఫ్రెంచ్‌ క్యారియర్‌ ఎయిర్‌ ఫ్రాన్స్‌, యూఏఈ వాసులకి మెగా డిస్కౌంట్స్‌ని ప్రకటించింది. 'ఊలాలా' బోనంజా పేరుతో ఈ ఎయిర్‌లైన్‌, యూరోప్‌, అమెరికాలకు దుబాయ్‌ నుంచి విమాన టిక్కెట్లను భారీగా తగ్గించింది. రిటర్న్‌ ట్రిప్స్‌ని 2,000 దిర్హామ్‌లకే అందించేలా కొత్త ఫేర్స్‌ని ప్రకటించింది. ఎకానమీ క్లాస్‌లో రోమ్‌కి రిటర్న్‌ ఫ్లైట్స్‌ 1,450 దిర్హామ్‌లు మాత్రమే. జ్యురిచ్‌కి వెళ్ళాలంటే 1,750 దిర్హామ్‌లకే పనైపోతుంది. నార్త్‌ అమెరికాకి వెల్ళాలనుకునేవారికి టోరంటో రౌండ్‌ ట్రిప్‌ మరియు మియామీ 3,000 దిర్హామ్‌లకు మించి ఖర్చవదని ఎయిర్‌ ఫ్రాన్స్‌ అంటోంది. సౌత్‌ అమెరికన్‌ సిటీస్‌కి సైతం అందుబాటు ధరల్లో టిక్కెట్లను అందించనున్నట్లు సంస్థ ప్రకటించింది. జనవరి 9 నుంచి జనవరి 30 వరకు ఈ ఆఫర్‌ అందుబాటులో ఉంటుంది. డిస్కౌంట్‌ ఫేర్స్‌తో జనవరి 9 నుంచి జూన్‌ 10 వరకు ప్రయాణించే వీలు కల్పిస్తోంది ఎయిర్‌ ఫ్రాన్స్‌.