ఇరాన్‌ మద్దతిస్తోన్న హౌతీ మిలిటెంట్స్‌కి చెందిన కమాండ్‌ అండ్‌ కమ్యూనికేషన్‌ సెంటర్‌ని యెమెన్‌లోని హైస్‌ డిస్ట్రిక్ట్‌లో యూఏఈ ఆర్మ్‌డ్‌ ఫోర్సెస్‌ ధ్వంసం చేశాయి. సౌదీ నాయకత్వంలోని అరబ్‌ కూటమి తరఫున యూఏఈ ఆర్మ్‌డ్‌ ఫోర్సెస్‌ ఈ సైనిక చర్యలో సత్తా చాటింది. పెద్దయెత్తున ఆయుధాల్ని, అలాగే మందుగుండు సామాగ్రిని ఈ ప్రాంతంలో హౌతీ మిలిటెంట్లు స్టోర్‌ చేస్తుంటారు. ఈ ప్రాంతంపై యూఏఈ ఆర్మ్‌డ్‌ ఫోర్సెస్‌ సమర్థవంతంగా దాడులు నిర్వహించడంతో హౌతీ మిలిటెంట్స్‌కి పెద్ద దెబ్బగా భావిస్తున్నారు. యూఏఈ ఫైటర్‌ జెట్స్‌, హౌతీ మిలీషియాకి చెందిన వాహనాలపైనా దాడులు నిర్వహించాయి.