దుబాయి లోని మురక్కాబాత్ ప్రాంతంలో సోమవారం సాయంత్రం 5. 30  కు సంభవించిన  పెద్ద అగ్నిప్రమాదం వలన, అక్కడి గ్రీన్ లైన్ ను మూసివేయడంతో వందలాది మంది ప్రయాణీకులు ఆ  మార్గంలో  చిక్కుకుపోయారు. ఈ ప్రమాదంలో ఒక పాత నివాస భవనాన్ని మంటలు చుట్టుముట్టిన సమాచారాన్ని అందుకున్న వెంటనే పోలీసువారు భవనాన్ని ఖాళీ చేయించి, భద్రతా వలయాన్ని ఏర్పరచారు.  ప్రాణ నష్టం ఏమి సంభవిoచకపోయినప్పటికీ, 48 ఫ్లాట్ లు పరశురామ ప్రీతి అయిపోవడం వలన, వారికీ నిలువనీడ లేకుండా పోయిందని వారు తెలిపారు. మురక్కాబాత్ పొలిసు ఠానా ఎదురుగా గల సలాహుద్దీన్ రోడ్డు రెండువైపులా మూసివేయడంతో, వందలాది మంది ప్రయాణీకులు ఇరుక్కుపోయి, ఇబ్బంది పడ్డారు. సంఘటనకు కారణాలు తెలియవలసి ఉంది.