ఖ‌రీదైన కారు కొని ప‌న్ను ఎగ్గొట్టేందుకు ప్ర‌య‌త్నించిన కేసులో అమ‌లాపాల్‌ను కేరళ క్రైమ్‌బ్రాంచ్ పోలీసులు అదుపులోకి తీసుకున్నారు.  కేర‌ళ‌లో నివాసం ఉంటున్న అమ‌ల గ‌తేడాది కోటి రూపాయ‌ల విలువైన‌ ఖ‌రీదైన కారును కొనుగోలు చేశారు.   ఆమె  కేరళ  నివాసి  అయినప్పటికీ  పుదుచ్చేరిలో నకిలీ ఆధారాలను సమర్పించి లగ్జరీ కారును రిజిస్ట్రేషన్ చేయించారు. అయితే  కారు రిజిస్ట్రేషన్  సమయంలో రూ.20లక్షల మేర పన్ను ఎగవేసినట్లు ఆమెపై ఆరోపణలు వచ్చాయి.   ఈ  వివాదం సంబందించి కేర‌ళ‌లో అమ‌లఫై  కేసు నమోదైంది. ఈ  కేసును  విచారించిన   కేర‌ళ హైకోర్టు...క్రైమ్‌బ్రాంచ్ పోలీస్ స్టేష‌న్‌కు వెళ్లి  లొంగిపోవాల‌ని అమ‌ల‌కు  సూచించింది.దీనితో  ఆమె తిరువ‌నంత‌పురం క్రైమ్‌బ్రాంచ్ పోలీస్ స్టేష‌న్‌లో  లొంగిపోయింది  . అయితే కేసు తీవ్రత తక్కువ ఉన్న దృష్ట్యా వెంట‌నే బెయిల్ ల‌భించ‌డంతో ఆమె విడుద‌లైంది.