తనతోపాటు తన పెంపుడు పక్షి నెమలిని కూడా తీసుకెళ్లాలని ఎయిర్‌పోర్టుకి వచ్చింది ఓ మహిళ. నెమలి మరింత పెద్దదిగా వుండడంతో ఎయిర్‌లైన్స్‌ సిబ్బంది నెమలిని విమానంలోకి ఎక్కించుకోవడానికి అంగీకరించలేదు. నెమలికి కూడా టికెట్‌ తీశానని, ఎమోషనల్‌ సపోర్ట్‌ ఎనిమల్‌ రూల్స్ ప్రకారం తన పక్షిని విమానంలో తీసుకెళ్లే హక్కుందని కూడా ఆర్గ్యుమెంట్ చేసింది. ఐనా అధికారులు ససేమిరా అన్నారు.

మీరు చెప్పిన నిబంధల ప్రకారం జంతువులను విమానంలో తీసుకెళ్లడానికి పర్మిషన్ వుందని, కాకపోతే ఈ నెమలి నిబంధనలకు అనుగుణంగా లేదని, సైజు, బరువు చాలా ఎక్కువగా ఉందని తోసి పుచ్చారు. యునైటెడ్‌ ఎయిర్‌లైన్స్‌ ఆ మహిళ టికెట్‌ మనీని వెనక్కి ఇవ్వడంతోపాటు ఎయిర్‌పోర్టు నుంచి హోటల్‌కు వెళ్లడానికి అయ్యే ఖర్చు కూడా చెల్లించింది. న్యూజెర్సీలోని నీవార్క్‌ లిబర్టీ ఇంటర్నేషనల్ ఎయిర్‌పోర్టులో ఈ ఘటన జరిగింది. అందుకు సంబంధించి పిక్స్, వీడియోలు సోషల్ మీడియాలో వైరల్ అయ్యాయి.