అల్‌ అయిన్‌: వాటర్‌ హీటర్‌ పేలుడుతో అల్‌ అయిన్‌లో ఓ మహిళ, చిన్నారికి తీవ్ర గాయాలయ్యాయి. వారిని ఆసుపత్రికి తరలించి వైద్య చికిత్స అంఇస్తున్నారు. అల్‌ అయిన్‌లోని క్రిమినల్‌ ఎవిడెన్స్‌ డిపార్ట్‌మెంట్‌ - ఫైర్‌ ఇన్సిడెంట్స్‌ హెడ్‌ మేజర్‌ అబ్దుల్లా మటర్‌ అల్‌ దహెరి మాట్లాడుతూ, హీటర్‌లోని కాపర్‌ సేఫ్టీ వాల్వ్‌ సరైనది వాడకపోవడంతోనే ఈ ప్రమాదం జరిగినట్లు భావిస్తున్నామని చెప్పారు. డివైజ్‌లో మీట్‌ రెగ్యులేషన్‌ని ఇది చేపడుతుంది. వాల్వ్‌ గ్యాప్‌లో సాల్ట్‌ ఎక్కువగా డిపాజిట్‌ కావడంతో ప్రమాదం చోటు చేసుకుంది. అబుదాబీ పోలీసులు, వాటర్‌ హీటర్స్‌ వినియోగానికి సంబంధించి పలు సందర్భాల్లో పలు రకాలైన సూచనలు చేశారు. ఎప్పటికప్పుడు వాటర్‌ హీటర్లను సరిగ్గా మెయిన్‌టెయిన్‌ చేయాల్సి ఉంటుందనీ, సమస్య వచ్చినప్పుడు నిపుణులతో బాగుచేయించుకోవాలని సూచించారు. ఎక్కువ సమయం నీటిలో వాటర్‌ హీటర్‌ డివైజ్‌లను ఉంచరాదని కూడా పోలీసులు, రెసిడెంట్స్‌కి హెచ్చరిక చేశారు.