ప్రఖ్యాత మేథమేటీషియన్‌, దివంగత శ్రీనివాస రామానుజన్‌కి నివాళులర్పిస్తూ, ఇండియన్‌ స్కూల్‌ ఆఫ్‌ బహ్రెయిన్‌ (ఐఎస్‌బి) మేథమేటిక్స్‌ డిపార్ట్‌మెంట్‌, మేథ మేటిక్స్‌ డే 2018ని ఇసా టౌన్‌ స్కూల్‌ క్యాంపస్‌లో నిర్వహించింది. జనవరి 29న ఈ కార్యక్రమం జరిగింది. యూనివర్సిటీ ఆఫ్‌ బహ్రెయిన్‌ డిపార్ట్‌మెంట్‌ ఆఫ్‌ మేథమేటిక్స్‌ మరియు ఛైర్మన్‌ డాక్టర్‌ ఫైసల్‌ అల్‌ షౌవైక్‌, న్యాయ నిర్ణేతగా పలు కాంపిటీషన్స్‌ మేథ్స్‌ సబ్జెక్ట్‌పై జరిగాయి. ఈ కార్యక్రమానికి ఐఎస్‌బి ఇసి మెంబర్‌ ప్రేమలత, ప్రిన్సిపాల్‌ విఆర్‌ పళనిస్వామి, వైస్‌ ప్రిన్సిపల్స్‌, స్టాఫ్‌ మరియు స్టూడెంట్స్‌ హాజరయ్యారు. డాక్టర్‌ ఫైసల్‌ అల్‌ షోవైక్‌ మేథమేటిక్స్‌ ఆవశ్యకతను తెలియజేశారు. మేథమేటిక్స్‌ హెడ్‌ ఆఫ్‌ ది డిపార్ట్‌మెంట్‌ సెంథిల్‌, ఆహూతులకు ఆహ్వానం పలికారు. 4 నుంచి 8 క్లాసులకు చెందిన 45 మంది స్టూడెంట్స్‌కి ఈ సందర్భంగా మ్యాట్స్‌ టాలెంట్‌ సెర్చ్‌ ఎగ్జామ్‌లో ప్రతిభ చూపించినందుకుగాను సర్టిఫికెట్లను అందజేశారు. మేథమేటిక్స్‌ బిహైండ్‌ మ్యూజిక్‌ టాపిక్‌పై 9 మరియు 11 తరగతులకు చెందిన విద్యార్థులకు పేపర్‌ ప్రెజెంటేషన్‌ కాంపిటీషన్‌ నిర్వహించారు. క్లాస్‌ 11-1కి చెందిన సత్మా అబ్రహామ్‌కి తొలి బహుమతలి లభించింది. రెండో బహుమతి 9-కెకి చెందిన రిధి నిలేష్‌కుమార్‌ గెల్చుకున్నారు. మూడో బహుమతి 11-1 నైఫా నలీమ్‌కి దక్కింది.