తమిళనాడులోని ప్రసిద్ధ మధురై మీనాక్షి ఆలయంలో అగ్నిప్రమాదం సంభవించింది. టెంపుల్‌లోని వేయికాళ్ల మండపం వద్ద జరిగిన ఈ ప్రమాదంలో దాదాపు 50కి పైగా చిన్న దుకాణాలు అగ్నికి ఆహుతయ్యాయి. ఘటన సమాచారమందుకున్న అగ్నిమాపక సిబ్బంది ఘటనాస్థలికి చేరుకుని 10 అగ్నిమాపక యంత్రాల సాయంతో మంటలార్పారు. కలెక్టర్‌ వీరరాఘవరావు మీనాక్షి దేవాలయానికి చేరుకుని పరిశీలించారు.

భద్రతాలోపం కారణంగానే అగ్ని ప్రమాదం జరిగిందని స్థానికులు ఆగ్రహం వ్యక్తం చేస్తూ ఆలయం వద్దకు వేలాదిగా చేరుకుని ఆందోళనకు దిగారు. అధికారుల వాహనంపై రాళ్లు సైతం రువ్వారు. దీంతో పోలీసులు రంగ ప్రవేశం చేసి ఆలయాన్ని తమ దిగ్బంధనంలోకి తీసుకున్నారు. ఆలయంలోకి ఎవ్వరినీ అనుమతించడం లేదు. చుట్టుపక్కల విద్యుత్‌ సరఫరా సైతం నిలిపివేశారు.