మస్కట్‌: ఆసియాకి చెందిన వలసదారుడ్ని డ్రగ్స్‌ కేసులో రాయల్‌ ఒమన్‌ పోలీసులు అరెస్ట్‌ చేశారు. అతని దగ్గర్నుంచి 63 అక్రమ నార్కోటిక్‌ ట్యాబ్లెట్స్‌ని పోలీసులు స్వాధీనం చేసుకున్నారు. యాంటీ నార్కోటిక్స్‌ మరియు సైకోట్రోపిక్‌ సబ్‌స్టాన్సెస్‌ డిపార్ట్‌మెంట్‌, ఆసియా జాతీయుడ్ని డ్రగ్స్‌తో సహా రెడ్‌ హ్యాండెడ్‌గా పట్టుకున్నట్లు రాయల్‌ ఒమన్‌ పోలీసు అధికార ప్రతినిథి చెప్పారు. నిందితుడ్ని, జ్యుడీషియల్‌ అథారిటీస్‌కి అప్పగించారు. డ్రగ్స్‌ నిర్మూలనకు ప్రతి ఒక్కరూ సహకారం అందించాలనీ, డ్రగ్స్‌పై సమాచారం అందితే వెంటనే తమకు తెలియజేయాలని రాయల్‌ ఒమన్‌ పోలీస్‌ విజ్ఞప్తి చేస్తోంది.