మనామా: వాహనాలకు పాత నెంబర్‌ ప్లేట్లు ఉంటే ఇకపై వాటిని సీజ్‌ చేస్తారు. ఈ సీజ్‌ నిర్ణయం మార్చి 1 నుంచి అమల్లోకి వస్తుంది. కొత్త నెంబర్‌ ప్లేట్లను ప్రతి ఒక్కరూ తమ వాహనానికి బిగించుకోవాలంటూ జనరల్‌ డైరెక్టరేట్‌ ఆఫ్‌ ట్రాఫిక్‌ సూచిస్తూ, మార్చి 1 తర్వాత కూడా వాహనాలకు పాత నెంబర్‌ ప్లేట్లు వుంటే, అలాంటి వాటిని సీజ్‌ చేస్తామని స్పష్టం చేశారు. సీజ్‌ చేయడం, చట్టపరమైన చర్యలు తీసుకోవడం వంటి ఇబ్బందుల నుంచి వాహనదారులు ముందే అప్రమత్తమవ్వాలని జనరల్‌ డైరెక్టరేట్‌ స్పష్టం చేసింది.