వాట్సాప్‌ మెసేజ్‌ ఓ జంటను రక్షించింది. రస్‌ అల్‌ ఖైమా మౌంటెయిన్స్‌లో ఆసియాకి చెందిన జంట తప్పిపోయింది. నార్త్‌ ఎమిరేట్స్‌లోని రఫ్‌ మౌంటెయిన్స్‌లో ఈ ఘటన చోటు చేసుకుంది. తప్పిపోయిన జంట వద్దకు రికార్డ్‌ సమయంలో రెస్క్యూ టీమ్‌ మరియు అంబులెన్స్‌ చేరుకోవడం జరిగింది. హెడ్‌ ఆఫ్‌ సెక్షన్‌ మేజర్‌ తారిక్‌ మొహమ్మద్‌ అల్‌ షరామ్‌ మాట్లాడుతూ, మిస్సింగ్‌ కపుల్‌కి సంబంధించిన సమాచారం శుక్రవారం సాయంం 6 గంటల సమయంలో అందిందని అన్నారు. పారామెడిక్స్‌తో పాటు 7డుగురు సభ్యుల రెస్క్యూటీమ్‌ తక్షణం సంఘటనా స్థలానికి చేరుకుని, తప్పిపోయిన జంటను రక్షించిందని అన్నారు. వాట్సాప్‌ మెసేజ్‌ ద్వారా లొకేషన్‌ని ట్రేస్‌ చేసి, వారిని రక్షించినట్లు తెలిపారు. బాధితులకు వెంటనే తక్షణ వైద్య సహాయం అందించారు. రస్‌ అల్‌ ఖైమా పోలీస్‌ సెంట్రల్‌ ఆపరేషన్స్‌ డిపార్ట్‌మెంట్‌ డైరెక్టర్‌ జనరల్‌ బ్రిగేడియర్‌ డాక్టర్‌ మొహమ్మద్‌ సయీద్‌ అల్‌ హుమైది మాట్లాడుతూ, టూరిస్టులు అలాగే కార్మికులు ట్రెక్కింగ్‌ చేసేటప్పుడు తగిన జాగ్రత్తలు తీసుకోవాలని విజ్ఞప్తి చేశారు. ముందుగా వారు సంబంధిత అధికార వర్గాలకు సమాచారం అందించడమే కాకుండా, సరైన ట్రైనర్‌నీ, గైడ్‌నీ తమ వెంట పెట్టుకోవాలని సూచించారు.