రియాద్ : ఆకస్మాత్తుగా ఇసుక తుఫాన్ చెలారేగడంతో మంగళవారం రాత్రి రియాద్ చిగురుటాకులా వణికిపోయింది. సౌదీలోని చాలా ప్రాంతాల్లో ఇసుక తుఫాన్ వచ్చిందన్నారు. జెడ్డా, మక్కా, బార్హ, అల్ జామోన్ ప్రాంతాల్లో దీని ప్రభావం ఎక్కువగా కనబడింది. ఇసుక తుఫాను కారణంగా  బుధవారం ఉదయం పలు పాఠశాలలు, అల్-ఇమామ్ యూనివర్సిటీ తరగతులను రద్దు చేశారు. ఇసుక తుఫాన్ సంభవించినపుడు ప్రజలు అప్రమత్తంగా ఉండాలని అధికారులు సూచిస్తున్నారు.  సాయంత్రం 6 గంటలకే  దట్టంగా అలుముకున్న ఇసుక కారణంగా ఎదురుగా వచ్చే వాహనాలను స్పష్టంగా చూడటం వాహనదారులకు ఎంతో ఇబ్బంది ఏర్పడుతుంది. ఇసుక తుఫాన్ చుట్టిముట్టినపుడు ఎక్కడి వాహనాలు అక్కడే నిలిపి ఉంచడం ఉత్తమమని పౌర రక్షణ దళాలు పేర్కొంటున్నాయి. పౌరులు ఆ సమయంలో భద్రతా జాగ్రత్తలు పాటించాలని సూచిస్తున్నాయి.