గతంలో వాట్సాప్ తన యూజర్లకు ఎన్నో అవకాశాలను అందుబాటులోకి తెచ్చింది. అయితే అందులో మెసేజ్ డిలీట్ ఆప్షన్ ను మాత్రం ప్రత్యేకంగా చెప్పుకోవాలి. ఎవరికైనా పొరపాటున వాట్సాప్ సందేశం పంపినప్పుడు ఇంతకుముందు డిలీట్ చేసే ఆప్షన్ అందుబాటులో లేదు కానీ ప్రస్తుతం అటువంటి మెసేజ్ లను డిలీట్ చేసే ఆప్షన్ అందుటులోకి వచ్చింది. అయితే అది కూడా మెసేజ్ సెండ్ చేసిన 7 నిమిషాల లోపు మాత్రమే డిలీట్ చెయ్యాలి అప్పుడు మాత్రమే అది అవతలి వ్యక్తి చూసే అవకాశం లేదు. అయితే తాజాగా ఆ 7 నిమిషాల సమయాన్ని గంట వరకు పెంచుతూ వాట్సాప్ నిర్ణయం తీసుకుంది. దీంతో వినియోగదారులకు కొంత ఊరటనిచ్చిందని అభిప్రాయపడుతున్నారు.