మస్కట్‌: మస్కట్‌ మునిసిపాలిటీ విలాయత్‌ ఆఫ్‌ ముట్రాలోని ఓ ఇంటిపై సోదాలు నిర్వహించింది. అక్రమంగా ఇక్కడ ఆహార పదార్థాల్ని తయారు చేసి రెస్టారెంట్లకు విక్రయిస్తున్నట్లు అధికారులు గుర్తించారు. లైసెన్స్‌ లేకుండా ఇలాంటి ఫుడ్‌ మేకింగ్‌ యూనిట్‌ నిర్వహణ నేరమని అధికారులు తెలిపారు. ఇన్‌స్పెక్షన్‌ మరియు ఫుడ్‌ కంట్రోల్‌ డిపార్ట్‌మెంట్‌, డిపార్ట్‌మెంట్‌ ఆఫ్‌ హైజీన్‌, లీగల్‌ డిపార్ట్‌మెంట్‌, రాయల్‌ ఒమన్‌ పోలీస్‌ సంయుక్తంగా ఈ సోదాల్ని నిర్వహించడం జరిగింది. ఆహార పదార్థాల్ని స్వాధీనం చేసుకుని, మేకింగ్‌ యూనిట్‌ని సీజ్‌ చేసి, చట్టపరమైన చర్యలు తీసుకోనున్నట్లు అధికారులు వెల్లడించారు.