కథువా అత్యాచారం కేసులో జమ్మూ కశ్మీర్ సిట్ అధికారులు నిందితులకు సంబంధించిన పక్కా ఆధారాలు సేకరించారు. ఆలయం వద్ద సేకరించిన రక్త నమూనాలు బాధితురాలివేనని ఢిల్లీ ఫోరెన్సిక్ ల్యాబ్‌ తేల్చింది. నిందితులు ఆమెపై అత్యాచారానికి పాల్పడ్డారనీ, గుడిలోనే ఈ అఘాయిత్యం జరిగినట్టు రుజువైందని అధికారులు తెలిపారు. ఆలయంలో సేకరించిన తలవెంట్రుకలు నిందితుడు శుభమ్ సంగ్రా డీఎన్ఏతో సరిపోలినట్టు తెలిపారు. ఆధారాలను తుడిచిపెట్టేందుకు అతడు బాధితురాలి దుస్తులను శుభ్రం చేసినట్టు ఆరోపణలు ఎదుర్కొంటున్నాడు.