యూఏఈ: మిడిలీస్టులో ప్రస్తుతం నెలకొని ఉన్న పరిస్థితుల కారణంగా.. యూఏఈలోని ప్రైవేట్ స్కూళ్లతోపాటు నర్సరీలు, కిండర్ గార్డెన్ల బస్సు సర్వీసులను వాయిదా వేస్తున్నట్లు యూఏఈ విద్యా మంత్రిత్వ శాఖ ప్రకటించింది.

అయితే, తదుపరి నిర్ణయం వీక్లీ సమీక్ష సందర్భంగా తీసుకుంటామని, సంబంధిత అధికారులతో చర్చించాక తుది నిర్ణయం ప్రకటిస్తామని పేర్కొంది.  పాఠశాల బస్సు సర్వీసుల పునఃప్రారంభానికి సంబంధించిన ఏదైనా సమాచారాన్ని  అధికారిక, ఆమోదిత ఛానెళ్ల ద్వారా ప్రకటించబదుతుందని తెలిపింది. 

ఒక నెల కంటే ఎక్కువ రోజులపాటు రిమోట్ లెర్నింగ్ క్లాసుల తర్వాత, యూఏఈ వ్యాప్తంగా విద్యార్థులు ఏప్రిల్ 20 నుండి ప్రత్యక్ష తరగతులకు హాజరు కావడం ప్రారంభిస్తారు.   

అమెరికా-ఇజ్రాయెల్-ఇరాన్ యుద్ధం నేపథ్యంలో భద్రతాపరమైన ఆందోళనల కారణంగా ముందుజాగ్రత్త చర్యగా పాఠశాలలు రిమోట్ లెర్నింగ్ కు మారిన విషయం తెలిసిందే.