గతంలో 'గజదొంగ', 'అడవిదొంగ', 'దొంగరాముడు', 'చిన్నఅల్లుడు' వంటి విజయవంతమైన చిత్రాలను నిర్మించిన గోపీ ఆర్ట్స్‌ సంస్థ చాలా కాలం గ్యాప్‌ తర్వాత మళ్లీ చిత్రనిర్మాణకార్యక్రమాలకు శ్రీకారం చుట్టింది. యువకథానాయకుడు 'అల్లరి' నరేశ్ హీరోగా ఓ వినోదభరిత చిత్రాన్ని నిర్మించనుంది. ఈ చిత్రం షూటింగ్‌ కార్యక్రమాలు శుక్రవారం హైదరాబాద్‌లో మొదలయ్యాయని చిత్రనిర్మాత, గోపీ ఆర్ట్స్‌ అధినేత చలసాని రామబ్రహ్మంచౌదరి చెప్పారు. ఇంతకుముందు 'సిద్ధు ఫ్రం శ్రీకాకుళం' చిత్రానికి దర్శకత్వం వహించిన ఈశ్వరరెడ్డి ఈ సినిమాకి దర్శకుడు. ఏ.కె.ఎంటర్‌టైనమెంట్స్‌ అధినేత అనిల్‌ సుంకర ఈ చిత్రానికి సమర్పకుడు.