అమెరికా తెలుగు సంఘం(అటా), తెలంగాణ అమెరికా తెలుగు అసోసియేషన్‌(టాటా) తొలిసారి సంయుక్తంగా నిర్వహిస్తున్న అమెరికా తెలుగు కన్వెన్షన్‌ కోసం భారీ ఏర్పాట్లను చేస్తోంది. ఇందులో భాగంగా భారీ సభను కూడా రెండు సంఘాలు నిర్వహిస్తున్నాయి. సభానిర్వహణ కోసం నిధుల సేకరణ నిమిత్తం టెక్సాస్‌లో ఇటీవల సమావేశం ఏర్పాటు చేశారు. ఈ సందర్భంగా ఈ రెండు సంఘాల వ్యవస్థాపక సభ్యులైన పైళ్లా మల్లా రెడ్డి, హనుమంతరెడ్డి మాట్లాడుతూ రెండు సంఘాల మధ్య మంచి స్నేహం భావం పెంపొందాలని ఆశిస్తున్నట్లు చెప్పారు. తాము చేపట్టాలనుకున్న సభకు భారీ స్థాయిలో మద్దతు లభించిందని చెప్పారు.