గల్ఫ్‌ దేశాల్లోనే అత్యధికంగా ట్యాక్సీ ఫేర్స్‌ ఒమన్‌లో ఉన్నట్లు గణాంకాలు చెపుతున్నాయి. ఒమన్‌ రాజధాని మస్కట్‌లో ఎయిర్‌పోర్ట్‌ నుంచి వివిధ ప్రాంతాలకు వెళ్ళే ప్రయాణీకులకు అతి ఖరీదైన ప్రయాణం తప్పడంలేదు. ట్యాక్సీ డ్రైవర్స్‌ లగ్జరీ పేరు చెప్పి ప్రయాణీకుల జేబులకు చిల్లులు పెడుతున్నట్లు కొందరు ట్యాక్సీ డ్రైవర్లే ఆరోపిస్తున్నారు. అయితే అధికంగా ట్యాక్సీ ఫేర్‌ వసూలు చేస్తున్నవారు మాత్రం, 2016 మోడల్‌ సూపర్‌ లగ్జరీ లెక్సస్‌ కార్లను వినియోగిస్తున్నామనీ, ప్రయాణీకుల కోసం ఈ స్థాయి లగ్జరీ ఏర్పాటు చేస్తున్నందున, ఫేర్స్‌లో ఆ మాత్రం ఖరీదు తప్పనిసరన్నది వారి వాదన. ఎయిర్‌ పోర్ట్‌ నుంచి మాబెలా వరకు 46 ఒమనీ రియాల్‌ వసూలు చేస్తుండగా, అజైబాకి 40 ఒమనీ రియాల్‌ వసూలు చేస్తున్నారు. 2015లో లగ్జరీ ట్యాక్స్‌ ఫేర్‌ లెక్కలు తీస్తే, జ్యురిచ్‌ 27.59 డాలర్లుగా ఉంది. లగ్జెంబర్గ్‌ 22.34 డాలర్లతోనూ, జెనీవా 20.58 డాలర్లతోనూ, ఆక్లాండ్‌ 19.72 డాలర్లతోనూ, స్టాక్‌హోమ్‌ 18.56 డాలర్తఓనూ తర్వాతి వరుసలో ఉన్నాయి. గల్ఫ్‌ దేశాల్లో మాత్రం ఒమన్‌దే టాప్‌.