మినిస్ట్రీ ఆఫ్‌ ట్రాన్స్‌పోర్టేషన్‌ మరియు టెలికమ్యూనికేషన్స్‌ (ఎంటిటి), బహ్రెయిన్‌ ఇంటర్నేషనల్‌ ఎయిర్‌ షో కోసం టిక్కెట్లను అందుబాటులోకి తీసుకువచ్చినట్లు వెల్లడించింది. బటెల్కో ఔట్‌లెట్స్‌లో ఈ టిక్కెట్లు అందుబాటులో ఉంటాయి. బహ్రెయిన్‌ ఇంటర్నేషనల్‌ ఎయిర్‌ షో జనవరి 21 నుంచి 23 వరకూ సఖిర్‌ ఎయిర్‌ బేస్‌లో జరుగుతుంది. ఎద్దలకు 10 బహ్రెయినీ దిర్హామ్స్‌, అలాగే 16 ఏళ్ళలోపువారికి 5 బహ్రెయినీ దిర్హామ్‌లను టిక్కెట్‌ ధరగా నిర్ణయించారు. 20కి పైన టిక్కెట్లు కొనుగోలు చేసేవారికి 5 శాతం డిస్కౌంట్‌ ఇవ్వనున్నారు. సౌదీ అరేబియా హాక్స్‌, యూఏఈకి చెందిన ఫుర్సన్‌, రష్యన్‌ నైట్స్‌ మరియు మార్క్‌ జెఫ్రీస్‌ ఏరోబాటిక్స్‌, స్విప్‌ ట్విస్టర్‌ డిస్‌ప్లే టీమ్‌ ఆహూతుల్ని అలరించనున్నాయి.