మస్కట్‌: సలాలా ఎయిర్‌పోర్ట్‌లో రాకపోకలు రాత్రి నుంచి పునఃప్రారంభం కానున్నట్లు పబ్లిక్‌ అథారిటీ ఫర్‌ సివిల్‌ ఏవియేషన్‌ పేర్కొంది. సైక్లోన్‌ మెకును నేపథ్యంలో ముందస్తుగా సలాలా ఎయిర్‌పోర్ట్‌లో విమాన రాకపోకల్ని నిలిపివేసిన సంగతి తెల్సిందే. భద్రతా కారణాల రీత్యా విమానాశ్రయంలో కార్యకలాపాల్ని నిలిపివేశామనీ, ఈ రోజు రాత్రి నుంచి యధాతథంగా కార్యకలాపాలు కొనసాగుతాయని అధికారులు పేర్కొన్నారు. సలాలా నుంచి తమ సర్వీసులు పునఃప్రారంభమవుతాయని నేషనల్‌ క్యారియర్‌ ఒమన్‌ ఎయిర్‌ కూడా ప్రకటించింది. శుక్రవారం నుంచి ఈ ఎయిర్‌పోర్ట్‌ని మూసివేశారు సైక్లోన్‌ మెకును కారణంగా.