మగువల మనసుదోచే బంగారం మరింత తగ్గింది. గత కొన్ని రోజులుగా పడుతూ లేస్తూ క్రమంగా పెరిగిన బంగారం ధర ఈసారి భారీగా తగ్గింది. నిన్నటిదాకా పది గ్రాములు పసిడి రూ.32వేల ఉండగా సోమవారం నాటి తగ్గింపు ధరతో అది  రూ.31,965కు చేరింది. సానుకూల పరిస్థితులు లేకపోవడంతో బంగారం ధర తగ్గినట్టు వ్యాపారవేత్తలు అభిప్రాయపడుతున్నారు. మరోవైపు వెండి కూడా బంగారం బాటలోనే భారీగా తగ్గింది. నిన్నటిదాకా కిలో వెండి రూ.41వేల రూపాయలు ఉండగా అది నేటికీ రూ.40,830 చేరింది. బంగారం రూ.405 , వెండి రూ.370 తగ్గడంతో కొనుగోలు దారులు త్వరపడతారని పసిడి షాపులు ఆశిస్తున్నాయి.