బహ్రెయిన్:నేషనల్‌ హెల్త్‌ రెగ్యులేటరీ అథారిటీ (ఎన్‌హెచ్‌ఆర్‌ఎ) ఎగ్జిక్యూటివ్‌ డైరెక్టర్‌ డాక్టర్‌ మరియమ్‌ అల్‌ జలాహ్మా, లైసెన్స్‌ లేకుండా బోటోక్స్‌ ఇంజెక్షన్ల వినియోగంపై హెచ్చరికలు జారీ చేశారు. అక్రమంగా నిర్వహిస్తున్న ఈ తరహా ట్రీట్‌మెంట్లపై ఫిర్యాదులు అందుతున్నాయనీ, ఈ నేపథ్యంలో ఆయా సంస్థలపై దాడులు నిర్వహిస్తామని, ఉల్లంఘన నిజమని తేలితే కఠిన చర్యలుంటాయని డాక్టర్‌ మరియమ్‌ అల్‌ జలాహ్మా హెచ్చరించారు. అక్రమంగా వీటిని స్మగ్లింగ్‌ చేసి, ఇల్లీగల్‌ పర్సన్స్‌ వీటిని వినియోగిస్తున్నారని ఆమె చెప్పారు. తగిన జాగ్రత్తలు తీసుకోనిపక్షంలో బొటోక్స్‌ ఇంజెక్షన్లు ప్రాణాంతకమవుతాయని అంటున్నారామె. ఉల్లంఘనులపై చట్టపరంగా కఠిన చర్యలు తప్పవని ఆమె పునరుద్ఘాటించారు.