హైదరాబాద్‌: నగరంలో పలు చోట్ల వర్షం కురిసింది. రెండు రోజులుగా కురుస్తున్న వర్షానికి వాతావరణం ఒక్కసారి మారిపోయింది. ఆదివారం సాయంత్రం నగరంలో పలుచోట్ల వర్షం పడింది. బంజారాహిల్స్‌, జూబ్లీహిల్స్‌, అమీర్‌పేట, యూసఫ్‌గూడ, పంజాగుట్ట, ఖైరతాబాద్‌, మాదాపూర్‌, ప్రగతినగర్‌, నిజాంపేట, గండిమైసమ్మ, సూరారంలో భారీ వర్షం కురిసింది. రోడ్లన్నీ జలమయమయ్యాయి. దీంతో వాహన రాకపోలకు తీవ్ర అంతరాయం ఏర్పడింది. ఒక్కసారిగా వర్షం కువడంతో నగర ప్రజలు కాస్త ఉపశమనం పొందారు.