యూఏఈలో మిట్సుబిషికి చెందిన 8000 కార్లను 'బ్రేక్‌ లోపం' కారణంగా రీ కాల్‌ చేశారు. 2013 నుంచి 2016 సంవత్సరానికి సంబంధించిన వాహనాల్లో ఈ లోపాన్ని గుర్తించారు. పార్కింగ్‌ బ్రేక్‌లో లోపాన్ని గుర్తించామనీ, నీటి నిల్వ బ్రేక్‌ పనితనాన్ని తగ్గిస్తుందని నిర్ధారించి, ఆయా వాహనాల్ని రీకాల్‌ చేస్తున్నామని మిట్సుబిషి వెల్లడించింది. లోపాన్ని సరిదిద్దేందుకుగాను ఎలాంటి ఛార్జ్‌ వసూలు చేయబోమని జపాన్‌కి చెందిన మిట్సుబిషి పేర్కొంది. దుబాయ్‌, నార్త్‌ ఎమిరేట్స్‌, అబుదాబీ, అల్‌ అయిన్‌లో మొత్తం 8,074 వాహనాల్లో ఈ సమస్య గుర్తించినట్లు సంస్థ వెల్లడించింది. అల్‌ హబ్‌తూర్‌ మోటార్స్‌ (మిట్సుబిషి డిస్ట్రిబ్యూటర్‌) తమ వినియోగదారులకు పూర్తి సమాచారం ఇస్తోంది.