మస్కట్‌: మొత్తం 168 మంది వలస కార్మికుల్ని అరెస్ట్‌ చేసి, డిపోర్టేషన్‌ చేసినట్లు రాయల్‌ ఒమన్‌ పోలీస్‌ వెల్లడించింది. గత నెలలో ఈ అరెస్టులు, డిపోర్టేషన్‌ జరిగాయి. అధికారులు వెల్లడించిన వివరాల ప్రకారం వలస కార్మికుల్ని అల్‌ బురైమి గవర్నరేట్‌ నుంచి డిపోర్టేషన్‌ చేశారు. లేబర్‌ చట్టాల్ని, నిబంధనల్ని ఉల్లంఘించినట్లు వీరిపై అభియోగాలున్నాయి. అల్‌ బురైమి గవర్నరేట్‌ పరిధిలో 168 వలస కార్మికులు చట్టాలు, నిబంధనల్ని ఉల్లంఘించినట్లు గుర్తించి, వారిని అరెస్ట్‌ చేసి డిపోర్టేషన్‌ చేయడం జరిగిందని రాయల్‌ ఒమన్‌ పోలీస్‌, ఆన్‌లైన్‌ ద్వారా ఓ ప్రకటనలో పేర్కొంది.