మెగా బ్రదర్ నాగబాబు గారాల పట్టి నిహారిక ఒక మనసు చిత్రంతో వెండితెర ఆరంగేట్రం చేసిన సంగతి తెలిసిందే. తొలి చిత్రంతో ఆకట్టుకున్న ఈ అమ్మడు మెగా హీరోయిన్‌గా అభిమానుల మనసులు దోచుకుంది. ఇటీవల నిహారిక హ్యపీ వెడ్డింగ్ అనే చిత్రంలో నటించింది. లక్ష్మణ్ కర్య ఈ సినిమాతో డైరెక్టర్ గా తెలుగు తెరకు పరిచయం అవుతున్నాడు. సుమంత్ అశ్విన్‌, నిహారిక హీరో హీరోయిన్స్‌గా తెరకెక్కిన ఈ చిత్రం రొమాంటిక్ ఫ్యామిలీ ఎంటర్‌టైనర్‌గా రూపొందినట్టు తెలుస్తుంది. పల్లెటూరు... ప్రేమ.. పెళ్లి హడావుడి కాన్సెప్ట్ తో తెరకెక్కిన ఈ చిత్రానికి దేవి శ్రీ ప్రసాద్ సంగీతం అందిస్తున్నాడు అని ప్రచారం జరిగింది. కాని చిత్ర యూనిట్ కొద్ది సేపటి క్రితం సంగీత దర్శకుడి వివరాలతో పాటు థమన్ బ్యాక్ గ్రౌండ్ సంగీతం అందించనున్నట్టు ప్రకటించింది. శక్తికాంత్ కార్తీక్ చిత్రానికి సంగీతం అందిస్తున్నాడు. యూవీ క్రియేషన్స్ మరియు పాకెట్ సంస్థ సంయుక్తంగా నిర్మిస్తున్న ఈ చిత్ర రిలీజ్ డేట్ త్వరలోనే ఎనౌన్స్ చేయనున్నారు. ఇక నిహారిక ఒరు నల్ల నాల్ పాతు సోల్రెన్ అనే టైటిల్‌తో రూపొందుతున్న తమిళ చిత్రంలోను నటిస్తుంది. మక్కల్ సెల్వన్ విజయ్ సేతుపతి ఈ చిత్రంలో ప్రధాన పాత్ర పోషిస్తుండగా, నిహారిక రెండు వైవిధ్యమైన పాత్రలలో కనిపించనున్నట్టు టాక్.