దుబాయ్:కారుతో సహా ఓ వ్యక్తి 15 మీటర్ల పిట్‌లో పడిపోగా, అత్యంత చాకచక్యంగా దుబాయ్‌ పోలీసులు బాధితుడ్ని రక్షించారు. ఈ ఘటన అల్‌ఖవనీజ్‌ ప్రాంతంలో చోటు చేసుకుంది. దుబాయ్‌ సివిల్‌ డిఫెన్స్‌ - దుబాయ్‌ పోలీస్‌ సమన్వయంతో డ్రైవర్‌ని రక్షించగలిగారు. ఈద్‌ అల్‌ ఫితర్‌ రోజన.. అంటే, శుక్రవారం ఈ ఘటన జరిగింది. సివిల్‌ డిఫెన్స్‌కి చెందిన స్పెషలైజ్డ్‌ స్క్వాడ్‌, సంఘటనా స్థలానికి చేరుకుని డ్రైవర్‌ని రక్షించగా, ఈ ఘటనలో అతనికి స్వల్ప గాయాలయ్యాయి. వెంటనే అతన్ని ఎయిర్‌ లిఫ్ట్‌ చేసి, అవసరమైన వైద్య చికిత్స అందించారు.