బహ్రెయిన్:మాస్క్‌లలోని డొనేషన్‌ బాక్స్‌ల నుంచి డబ్బుని దొంగిలిస్తున్న ముగ్గురు బాయ్స్‌ని అరెస్ట్‌ చేసినట్లు ముహర్రాక్‌ గవర్నరేట్‌ పోలీస్‌ డైరెక్టరేట్‌ పేర్కొంది. హిద్‌లో ఈ ఘటన జరిగింది. సోషల్‌ మీడియాలో దొంగతనాలకు సంబంధించి వీడియో వైరల్‌గా మారింది. డొనేషన్‌ బాక్స్‌ల కవర్‌ తొలిగించి, అందులోంచి డబ్బుని తస్కరించిన ముగ్గురు కుర్రాళ్ళ వ్యవహారం సర్వైలెన్స్‌ కెమెరాల్లో నమోదయ్యింది. ఆ ఫుటేజ్‌ ఆధారంగా విచారణ చేపట్టిన పోలీసులు, ముగ్గురు కుర్రాళ్ళని అరెస్ట్‌ చేయడం జరిగింది. ఇది అత్యంత హేయమైన చర్య అనీ, ఈద్‌ స్పిరిట్‌ని దెబ్బతీసే ఇలాంటి నేరాల్ని క్షమించరాదని పలువురు అభిప్రాయపడ్డారు. ఇంకోసారి ఇలాంటి ఘటన పునరావృతం కాకుండా కఠిన చర్యలు తీసుకోవాలనే డిమాండ్‌ విన్పిస్తోంది.