సౌదీ అరేబియా, ఎంటర్‌టైన్‌మెంట్‌ విభాగంలో సీనియర్‌ అధికారిని తొలగిస్తూ డిక్రీ విడుదల చేసింది. 2016లో అహ్మద్‌ అల్‌ ఖాతిబ్‌ని జనరల్‌ ఎంటర్‌టైన్‌మెంట్‌ అథారిటీ ఛైర్మన్‌గా నియమించడం జరిగింది. దేశంలో ఎంటర్‌టైన్‌మెంట్‌ ఈవెంట్స్‌ని నిర్వహించేందుకు వీలుగా జనరల్‌ ఎంటర్‌టైన్‌మెంట్‌ అథారిటీని ఏర్పాటు చేసింది సౌదీ అరేబియా. నేషనల్‌ డే ఫెస్టివిటీస్‌ వంటివి కూడా ఈ విభాగం నిర్వహించేలా చర్యలు తీసుకున్నారు. ఖాతిబ్‌ని, సౌదీ అరేబియన్‌ మిలిటరీ ఇండస్ట్రీస్‌ (ఎస్‌ఎఎంఐ) ఛైర్మన్‌గానూ 2017లో నియమించారు. అలాంటిది ఖాతిబ్‌ని ఎందుకు తొలగించారన్నదానిపై ఇంకా స్పష్టత రాలేదు. గత ఏడాదే సౌదీ అరేబియా 35 ఏళ్ళుగా సినిమాలపై వున్న నిషేధాన్ని తొలగించిన సంగతి తెల్సిందే. 2030 నాటికి 300 థియేటర్లను ఓపెన్‌ చేసేలా నిర్ణయం తీసుకున్నారు. ఈ సమయంలో ఎంటర్‌టైన్‌మెంట్‌ చీఫ్‌ని తొలగించడం చర్చనీయాంశమయ్యింది.