బహ్రెయిన్:రమదాన్‌ తర్వాత వినియోగదారులకు కూరగాయల ధరల విషయంలో ఊరట లభించింది. కొన్ని కూరగాయల ధరలు 60 శాతం వరకు తగ్గినట్లుగా సెంట్రల్‌ మార్కెట్‌ వర్గాలు వెల్లడించాయి. కూరగాయల ధరలతోపాటు, పండ్ల ధరలు కూడా సాధారణ స్థాయికి చేరుకున్నాయి. రమదాన్‌ సీజన్‌లో పండ్ల ధరలు గణనీయంగా పెరగడం మామూలే. ఆ తర్వాత డిమాండ్‌ తగ్గి, ధరలు కూడా అదుపులోకి వస్తుంటాయి. 10 కిలోల కుకుంబర్‌ బాక్స్‌ 3.5 దినార్స్‌ నుంచి 900 ఫిల్స్‌కి తగ్గింది. కాలీఫ్లవర్‌ ధర 3.5 బహ్రెయినీ దినార్స్‌ నుంచి 1.5కి తగ్గింది. క్యాబేజీ ధర 4 బహ్రెయినీ దినార్స్‌ వుండగా, ఇప్పుడది 1.5 బహ్రెయినీ దినార్స్‌కి చేరుకుంది.