ఈరోజు ఒక మంచి స్నాక్ పరిచయం చేస్తున్నాం. చాల సులువుగా అవ్వటమే కాక చాల రోజులు నిలువ ఉండే స్నాక్..

కావలసిన పదార్ధాలు:

• మైదా           - 1 కప్పు
• పంచదార      - 1/2 కప్పు కంటే కొంచెం తక్కువ
• నూనె            - వేయించటానికి సరిపడా
• నెయ్యి          - 2 స్పూన్లు

చేయు విధానం:

• ముందుగా 4 స్పూన్ల నూనెను బాగా వేడి చేసి మైదా లో వేసి కలపండి. ఇప్పుడు కొంచెం కొంచం నీళ్ళు పోసుకుంటూ చపాతి ముద్దలాగా కలుపుకోవాలి.
• ఈ ముద్దనుంచి చిన్నచిన్న ముక్కలు తీసుకొని గవ్వల చెక్కతో గానీ, ఏదైనా నొక్కులు ఉన్న డబ్బా మూతతో నొక్కి పెట్టుకోవాలి.
• ఈ ముక్కలను పేపర్ మీద ఒక 5 నిమిషాలు ఆరబెట్టి, నూనెలో బంగారు రంగు వచ్చే దాకా వేయించుకోండి.
• ఈలోపు స్టవ్ మీద పక్కన ఒక గిన్నెలో పంచదార వేసి అది మునిగేదాకా నీళ్ళు పోసి ముదురు పాకం వచ్చేదాకా మరిగించండి. అంటే పాకం నీళ్ళల్లో వేస్తే, చుక్కగా ఉండాలి అప్పుడు పాకం ముదురు అయిందని అర్ధం.
• ఈ పాకంలో నెయ్యి, వేయించిన గవ్వలు వేసి పాకం అన్నిటికి అంటేదాకా కలుపుకోవాలి. అంతే ఎంతో రుచిగా ఉండే పంచదార గవ్వలు రెడీ!!..

                                ---- సి.లీల కుమారి.