అమెరికా:టాలీవుడ్ సుందరాంగులతో అమెరికాలో సెక్స్ రాకెట్‌ నడిపిన సూత్రధారుల బెయిల్ ప్రయత్నాలు ఫలించలేదు. USలోని తెలుగు సంఘాల పేర్లతో నకిలీ పత్రాలు సృష్టించి.. హీరోయిన్లను అమెరికాకు రప్పించి... వారితో వ్యభిచారం నిర్వహిస్తున్న కేసులో అరెస్టయిన మోదుగుమూడి దంపతులు జైలులోనే ఉన్నారు. వాళ్లు పెట్టుకున్న బెయిల్ పిటిషన్‌ను ఇల్లినాయిస్ కోర్టు కొట్టివేసింది. తదుపరి విచారణను వచ్చే నెలకు వాయిదా వేసింది. వారి పిల్లలు శిశు సంరక్షణ కేంద్రంలోనే ఉంటున్నారు.

అమెరికాలో మోదుగుమూడి దంపతులు నడిపిన సెక్స్‌ రాకెట్‌ టాలీవుడ్‌లో ప్రకంపనలు రేపింది. తెలుగు సంఘాలు నిర్వహించే సాంస్కృతిక కార్యక్రమాల్లో పాల్గొనేందుకు వెళ్లిన నటీమణులను వ్యభిచారానికి వాడుకునేవారు. ఒకసారి వాళ్ల ఉచ్చులో చిక్కుకుని విలవిల్లాడిన ఓ హీరోయిన్‌ పంపిన మెయిల్... చీకటి బండారాన్ని బయటపెట్టింది. 

తెలుగు సంఘాల పేర్లతో మోదుగుమూడి కిషన్ నకిలీ పత్రాలు సృష్టించి.. హీరోయిన్లను అమెరికాకు రప్పించేవారు. రేటు మాట్లాడుకుని.. డేట్లు ఫిక్స్‌ చేసే వ్యవహారాలు ఆయన భార్య చంద్రకళ చూసుకునేవారు. ప్రస్తుతం జైలు జీవితం గడుపుతున్న భార్యాభర్తలకు బెయిల్‌ దక్కలేదు. తదుపరి విచారణ తేదీ కన్ఫామ్‌ అయ్యాక మరోసారి బెయిల్‌ కోసం దరఖాస్తు చేసుకునే వీలుంటుంది.