యాపిల్‌ సంస్థ యూఏఈలో ఉద్యోగార్థులకు శుభవార్త చెప్పింది. దుబాయ్‌ మరియు అబుదాబీల్లో జాబ్‌ ఓపెనింగ్స్‌కి యాపిల్‌ పచ్చ జెండా ఊపింది. ఈ మేరకు జులై జాబ్‌ లిస్టింగ్స్‌ బయటకు రావడం జరిగింది. వివిధ విభాగాల్లో ఉద్యోగాలు, అర్హుల కోసం సిద్ధంగా వున్నాయని యాపిల్‌ సంస్థ ప్రతినిథులు పేర్కొన్నారు. టెక్నికల్‌ ఎక్సపర్టైజ్‌, ఆపరేషన్స్‌, బిజినెస్‌ మరియు మేనేజ్‌మెంట్‌ వంటి విభాగాల్లో అవకాశాలు వున్నాయి. ఎఇ స్టోర్‌ మేనేజర్‌, ఎఇ స్పెషలిస్ట్‌, ఎఇ టెక్నికల్‌ స్పెషలిస్ట్‌, ఎఇ సీనియర్‌ మేనేజర్‌, ఎఇ మేనేజర్‌, ఎఇ మార్కెట్‌ లీడర్‌, ఎఇ ఆపరేషన్స్‌ స్పెషలిస్ట్‌, ఎఇ జీనియస్‌, ఎఇ ఎక్స్‌పర్ట్‌, ఎఇ క్రియేటివ్‌, ఎఇ బిజినెస్‌ ఎక్స్‌పర్ట్‌, ఎఇ యాపిల్‌ స్టోర్‌ లీడర్‌ ప్రోగ్రామ్‌ తదితర ఉద్యోగాలు అర్హుల కోసం ఎదురుచూస్తున్నాయి. అవకాశాల కోసం ఎదురుచూస్తోన్న ఉద్యోగార్థులు యాపిల్‌ వెబ్‌సైట్‌లో మరిన్ని వివరాల్ని తెలుసుకోవచ్చు.