అవసరమైన మందుల్ని తక్షణం అందుబాటులో వుంచేలా చర్యలు చేపట్టాలని మినిస్ట్రీ ఆఫ్‌ హెల్త్‌కి ఆదేశించారు ప్రైమ్‌ మినిస్టర్‌ ప్రిన్స్‌ ఖలీఫా బిన్‌ సల్మాన్‌ అల్‌ ఖలీఫా. సల్మానియా మెడికల్‌ కాంప్లెక్స్‌ మరియు హెల్త్‌ సెంటర్స్‌లో మందుల కొరత ఏర్పడిన నేపథ్యంలో, రోగులకు ఎలాంటి అసౌకర్యం కలగకుండా చర్యలు చేపట్టాల్సిందిగా ప్రైమ్‌ మినిస్టర్‌ ప్రిన్స్‌ ఖలీఫా ఆదేశించారు. ఆరోగ్య రంగానికి అత్యధిక ప్రాధాన్యతనిస్తున్నామనీ, బహ్రెయిన్‌లో ఎవరూ మందుల కొరత కారణంగా ఇబ్బందులు ఎదుర్కొనరాదని ప్రిన్స్‌ ఖలీఫా చెప్పారు. ఇదిలా ఉండగా, హెల్త్‌ మినిస్టర్‌ - మందుల కొరతకు సంబంధించి ఓ నివేదికను ప్రిన్స్‌ ఖలీఫకు అందజేశారు. ప్రభుత్వం 50 మిలియన్‌ బహ్రెయినీ దినార్స్‌ని మందుల కొనుగోలు కోసం వెచ్చిస్తోందని ఆ నివేదికలో హెల్త్‌ మినిస్టర్‌ పేర్కొన్నారు.