భర్త రెండో పెళ్లి చేసుకునేందుకు సిద్ధమవ్వడంతో భార్య, భర్త ఇంటిముందు ఆందోళనకు దిగింది. ఈ  సంఘటన కడప జిల్లా బద్వేలులో చోటుచేసుకుంది.బద్వేలుకు చెందిన షరీఫ్‌.. సాయి ప్రత్యూషలది  ప్రేమ వివాహం. షరీఫ్‌ కువైట్‌లో నివసిస్తుండే వాడు. అయితే వీరి పెళ్ళిని పెద్దలు అంగీకరించక పోవడంతో సాయిప్రత్యూషను తనతోపాటు కువైట్‌కు తీసుకెళ్లి  పెళ్లి చేసుకున్నాడు.కొన్నాళ్లకు సాయిప్రత్యూషను కువైట్‌లో వదిలేసి బంధువుల కోరిక మేరకు  షరీఫ్‌  రెండో పెళ్లి కోసం బద్వేలుకు తిరిగొచ్చాడు.ఈ  విషయం తేలుసుకున్న  ప్రత్యూష  కూడా స్వస్థలం తిరిగొచ్చారు. పెళ్లి చేసుకునేందుకు సిద్ధమవుతున్న షరీఫ్‌ ఇంటి ముందు సాయిప్రత్యూష ఆందోళన దిగారు.