దుబాయ్‌:వెట్‌ మరియు డస్టీ వెదర్‌ కండిషన్స్‌ కారణంగా, శుక్రవారం 200కి పైగా రోడ్డు ప్రమాదాలు దుబాయ్‌లో జరిగాయి. దుబాయ్‌ పోలీస్‌ వెల్లడించిన గణాంకాల ప్రకారం 252 ట్రాఫిక్‌ యాక్సిడెంట్స్‌ శుక్రవారం సాయంత్రం నమోదయ్యాయని లెఫ్టినెంట్‌ కల్నల్‌ టుర్కి అబ్దుల్లా బిన్‌ ఫారిస్‌ (దుబాయ్‌ పోలీస్‌ డైరెక్టర్‌ - కమాండ్‌ అండ్‌ కంట్రోల్‌ సెంటర్‌) వెల్లడించారు. వర్షం, ఇసుక తుపాను కారణంగా మరో 58 రోడ్డు ప్రమాదాలు చోటు చేసుకున్నాయి. చెట్లు కూలిపోవడం కూడా జరిగిందని లెఫ్టినెంట్‌ కల్నల్‌ బిన్‌ ఫారిస్‌ చెప్పారు. చెట్టు కూలిన ఘటనలో ఓ మహిళ గాయపడగా, ఆమెను ఆసుపత్రికి తరలించారు. దుబాయ్‌ ట్రాఫిక్‌ పోలీస్‌ డైరెక్టర్‌ బ్రిగేడియర్‌ సైఫ్‌ అల్‌ మజ్రోయి మాట్లాడుతూ, వాహనదారులు అప్రమత్తంగా వ్యవహరించాలనీ, తగిన వేగంతో రోడ్లపై ప్రయాణించాలని సూచించారు.