తీవ్రమైన ఎండలు, వడగాలుల ధాటికి కెనడా తూర్పు ప్రాంతంలో మృతి చెందిన వారి సంఖ్య 54కు చేరింది. మాంట్రియల్‌ పరిసర ప్రాంతాల్లోనే 28 మంది చనిపోయినట్లు స్థానిక అధికారులు వెల్లడించారు. మిగిలిన వారు ఫ్రెంచ్‌, కెనడీయన్‌ రాష్ట్రానికి చెందిన వారని అధికారులు తెలిపారు. 35 డిగ్రీలలకు పైగా ఉష్ణోగ్రతలు నమోదయ్యే అవకాశం ఉందని కెనడా పర్యావరణశాఖ పేర్కొంది. జూన్‌ 29 నుంచి కెనడాలో ఉష్ణోగ్రతలు గరిష్ఠంగా 35 డిగ్రీలకు పైనే నమోదు అవుతున్నాయి. వేడి గాలుల ప్రభావానికి మృతి చెందిన వారిలో అత్యధికులు 50 ఏళ్లు పైబడిన వారేనని అధికారులు చెబుతున్నారు.