బహ్రెయిన్:పోలీసు వేషధారణలో ఇద్దరు దుండగులు, టర్కిష్‌ వ్యక్తిని బెదిరించి దొంగతనానికి పాల్పడ్డారు. బాధితుడి నుంచి నిందితులు 40 బహ్రెయినీ దినార్స్‌ నగదు, ఓ మొబైల్‌ ఫోన్‌ని దొంగిలించారు. మనామా కార్‌ పార్క్స్‌ వద్ద రెంటల్‌ కార్‌లో కూర్చున్న తన వద్దకు వచ్చిన ఇద్దరు దుండగులు, పోలీస్‌ వేసధారణలో తనను బెదిరించారని బాధితుడు పోలీసులకు తెలిపారు. పోలీస్‌ స్టేషన్‌కి తీసుకెళతామని బెదిరిస్తూ, తనను కొట్టారని బాధితుడు చెప్పాడు. పోలీసులు, నిందితుల్ని అరెస్ట్‌ చేసి న్యాయస్థానం ముందుంచారు. హై క్రిమినల్‌ కోర్టు ఇద్దరు నిందితులకి ఐదేళ్ళ జైలు శిక్ష విధించింది.