ప్రస్తుతం టాలీవుడ్‌లో మల్టీస్టారర్ సినిమాల హవా నడుస్తోంది. గత నాలుగైదేళ్లుగా ఇద్దరు పెద్ద హీరోలు కలిసి నటిస్తోన్న సినిమాలు వచ్చి సక్సెస్ అవుతున్నాయి. ఈ లిస్టులో అగ్రహీరోలు వెంకటేష్‌, నాగార్జున ముందు ఉంటారు. వీరు తమ తోటి స్టార్ యంగ్ హీరోలతో సినిమాలు చేస్తూ మిగిలిన వారికి ఆదర్శంగా నిలుస్తున్నారు. ఇక ప్రస్తుతం నాగార్జున - నాని హీరోగా కూడా ఓ మల్టీస్టారర్ సినిమా వస్తోన్న సంగతి తెలిసిందే.

ఈ క్రమంలోనే ప్రస్తుతం యువ హీరోలు కూడా వీరి బాటలోనే నడుస్తున్నారు. యువ హీరోల్లో ఈ తరహా సినిమాల్లో నారా రోహిత్ , శ్రీ విష్ణులు నటిస్తుంటారు. ఇక ఇప్పుడు వీరిద్దరితో కలిసి మరో హీరో సుధీర్ బాబు అలాగే సీనియర్ హీరోయిన్ శ్రీయలు ఒక చిత్రంలో నటిస్తున్నారు. నూతన దర్శకుడు ఇంద్రసేనా తెరకెక్కిస్తున్న చిత్రంలో వీళ్ళందరూ కలిసి నటిస్తున్నారు. బాబా క్రియేషన్స్ బ్యానర్‌పై బెల్లన అప్పారావు ఈ సినిమాను నిర్మిస్తున్నారు.