కాబూల్‌: ఆఫ్ఘనిస్తాన్‌లోని జలాలాబాద్‌లోని చెక్‌పాయింట్‌ వద్ద ఆత్మాహుతి దాడి జరిగింది. ఆఫ్ఘన్‌ భద్రతా బలగాలను లక్ష్యంగా చేసుకుని జరిపిన ఈ ఆత్మాహుతి దాడిలో 10 మంది ప్రాణాలు కోల్పోయారు. మృతుల్లో ఇద్దరు పోలీసులు ఉన్నట్లు నాన్‌గర్‌హర్‌ ప్రొవిన్షియల్‌ గవర్నర్‌ మీడియాకు వెల్లడించారు. మరో నలుగురు పౌరులు తీవ్రంగా గాయపడ్డారు. ఆత్మాహుతి దాడికి అక్కడున్న పలు వాహనాలు, దుకాణాలు పూర్తి స్థాయిలో దెబ్బతిన్నాయి. సూసైడ్‌ అటాక్‌ నేపథ్యంలో అక్కడి భద్రతా బలగాలు అప్రమత్తం అయ్యాయి. జలాలాబాద్‌లో జూలై 1న జరిగిన దాడుల్లో 19 మంది మృతి చెందారు.