కెరీర్‌లో విభిన్న పాత్రలు పోషిస్తూ ప్రేక్షకులకి మంచి ఎంటర్‌టైన్‌మెంట్ అందిస్తున్న హీరో నారా రోహిత్. త్వరలో ఆటగాళ్లు అనే చిత్రంతో ప్రేక్షకుల ముందుకు రానున్న నారా రోహిత్ ప్రస్తుతం వీర భోగ వసంత రాయలు అనే సినిమా చేస్తున్నాడు. మల్టీ స్టారర్ గా రూపొందుతున్న ఈ చిత్రంలో సుధీర్ బాబు, శ్రీ విష్ణు కూడా ముఖ్య పాత్రలు పోషిస్తున్నారు. తాజాగా ఈ చిత్రానికి సంబంధించి టైటిల్ పోస్టర్ విడుదల చేశారు. పోస్టర్ అభిమానులలో ఆసక్తి కలిగిస్తుంది. శ్రియ కూడా చిత్రంలో ప్రధాన పాత్ర పోషిస్తుండగా, ఆమె పాత్ర కూడా ముగ్గురు హీరోలకి సమానంగా ఉంటుందని అంటున్నారు. అప్పారావు నిర్మిస్తోన్న ఈ సినిమాకి ఇంద్రసేన దర్శకుడిగా వ్యవహరిస్తున్నాడు. పెళ్లి తర్వాత శ్రియ చేయబోవు తొలి సినిమా ఇదే కావడంతో ఫ్యాన్స్ లో ఆసక్తి నెలకొంది. ఇక ఇటీవల సమ్మోహనం చిత్రంతో ప్రేక్షకుల ముందుకు వచ్చిన సుధీర్ బాబు నన్ను దోచుకుందువటే చిత్రాన్ని చేస్తున్నాడు. ఇక అసుర ఫేం కృష్ణ విజయ్ దర్శకత్వం వహిస్తున్న తిప్పరా మీసం చిత్రంతో బిజీగా ఉన్నాడు శ్రీ విష్ణు.