ఫిలిప్పినో మహిళకీ, బహ్రెయినీ బాయ్‌ఫ్రెండ్‌కీ మధ్య జరిగిన గొడవ కాస్తా హత్యకు దారి తీసింది. ఈ ఘటనలో మహిళ చనిపోయింది. బాధితురాలు కన్పించడంలేదంటూ పోలీసులకు ఫిర్యాదు అందడంతో విచారణ జరిపిన పోలీసులు, బాధితురాలి మృతదేహాన్ని కనుగొన్నారు. మెడికల్‌ రిపోర్ట్‌లో బాధితురాలి కళ్ళు బయటకు లాగివేయబడ్డాయి. గొంతు కోయబడింది. పోలీసులు నిందితుడ్ని అదుపులోకి తీసుకుని విచారించారు. విచారణలో నిందితుడు నేరాన్ని అంగీకరించాడు. బాధితురాలి ఫోన్‌లో నిందితుడి ఫోన్‌ నెంబర్‌ లభ్యం కావడంతో నిందితుడ్ని పట్టుకోవడం తేలికైంది. సెప్టెంబర్‌ 11న ఈ కేసు తదుపరి విచారణ జరగనుంది.