ప్రపంచంలోనే అత్యంత ధనిక అందాల పోటీలు  ఒంటెలకు సౌదీ అరేబియా లో జరగనున్నాయి. ఈ అందాల కిరీటాన్ని పొందేందుకు 30 వేల  ఒంటెలు గల్ఫ్ లోని  వివిధ ప్రాంతాల నుంచి సౌదీ అరేబియా రాజ్యంకు చేరుకుంటున్నాయి. అల్ రఫరా పండుగ సందర్భంగా జరిగే అందాల ఒంటెల పోటీలలో విజేత  ఒంటె సుందరికు ఎంతో విలువైన బహుమతి వేచి ఉంది. ఈ పోటీల నిర్వహణకు 50 మిలియన్ దినార్లను ఖర్చు పెట్టనున్నారు. భారీ వాహనాలలో ఒంటెలను ఒమన్ సరిహద్దు ప్రాంతానికి తరలిస్తున్నారు. దాదాపు 20 రోజుల పాటు జరిగే ఒంటెల అందాల పోటీలలో వాటి యజమానులు స్థానికంగానే బస చేస్తారు. ప్రాచీన చరిత్రలో ఈ సాంప్రదాయ పండుగ ఎలా జరిగిందో దాదాపు అదే వాతావరణంను ఇక్కడ నిర్వాహకులు ఏర్పాటు చేసారు. పురాతన్ కాలంలో ఆహారం ఎలా వుండేదో అదే మాదిరిగా  అందించడం ఇక్కడ మరో వైవిధ్యం. అల్ దఫరా పండుగను డిసెంబర్ 10 వ  తేది నుండి 30 వ తేది వరకు నిర్వహించనున్నారు.